{ قــصــة .. و إفــتــتــاح }

[S I L V E R]

[ بـسـم اللـه الـرحـمـن الـرحـيـم ]



السلام عليكم ورحمة الله وبركاته ..

’

يا الله ان تحيي كل من زار وخفف { وجه بيطرد الزوار وما يبي احد يسجل :59: }

يقول الشاعر " هو قال لي ما احب الشهره وتسليط الأضواء لا تقول اسمي :37: "

لو كل من صاح حصـّل ما يريد ....................
................... بكيت انا الليل كله والنهار

هذي سلمك الله كنت ارددها ليل نهار من يوم ما قدّر الله علي وحجزت فيها هالدومين ومساحة هالموقع :هع: والسبب اني تمرمطت مرمطه الله يعلم بها :70:


خلونا نقول كان يا مكان في سالف العصر و الأوان .. كان فيه واحد اسمه SILVER مسكت معه يتعلم تصميم مواقع ومنتديات .. والحمدلله رزّاق عبده

تعلم الشغله وصمم له كم شغله و جاب نتيجه ارضته .. قدّر الله عليه في يوم من اليوم وعرض شغله على شخص عزيز عليه بالحيـــل وقام هالشخص

يمدح وفي نفس الوقت يهوش .. يمدح الشغل ويهوش يقول " انت عندك هالمواهب كلها ليه ما تطـّلع نفسك وتفتح لك موقع متخصص في هالشغله و تبدا اول الطريق :34:"

الصدق وهو يقولها انا اقول فخاطري " ينعععععن يوووومي ياشيخ يبطي بيل قيتز حق ويندوز عندي :o: " وما اخفيكم اني لحظتها تهورت وخططت ابرمج نظام

تشغيل مثل ويندوز واسميه كيرم دبل مقفل ! .. الزبده , قام الرجال يعطيني من هالكلام وساعه يهزئ وساعه ينصح وساعه يترجى لين دخلت الفكرهـ في راسي

والسبب كلامه وتشجيعه وهياطه وصجته :ههه: تهورت ودورت لي شركة استضافه حليله وكنت وقتها برا الرياض ! وصيت الرجال هذا نفسه يحول فلوس لشركة

الأستضافه والرجال ما قصر فزع لي مع انه كان وقته ضيق بالحيل ذيك الايام وما دريت الا وهو يتصل يقول يا عبدالله ترا الفلوس في حساب خويك هالحين :59:

ومن بعدها اتصلت على الشركه اقول لهم الفلوس عندكم يالله دبرونا بالباسووردات خل ادّهر [ وانا خشتي زي هذا وانا اكلمه -> :59: ] ما دريت الا وهو يقول

يا استاذ عبدالله ما جانا حواله منك , و ما درا هو الا وانا منطلق في وجهه واقوله وش اللي ما جاك حواله يبوي محولك من بنك الراجحي لبنك الراجحي

خاف ربك ودور غيرها بس .. سكر من عندي واتصل بعد ساعه وقال لي : استاذ عبدالله انت حوالتك بأسم فلان ؟ قلت ايه .. قال الله يجزاك خير ما حولت الا ريالين ونص

ساعتها صار وجهي كذا { :37: همن كذا :ههه: + :60:} وقلت فخاطري اللي هذا اوله ينعاف تاليه :59: .. اتصلت على الرجال و ضحكت ضحك سنه في يوم عليه :يدق رقبه:

المهم ضبطنا الامور وحولنا الدراهم واستلمت الموقع و بديت اشتغل فيه , والبدايه كانت مجرد موقع شخصي فيه معرض لأعمالي ولا عندي نيه افتح منتدى

بس اجتمعوا علي الاعور الدجال وياجوج وماجوج وشخفوني شوي لين فتحت هالمنتدى عسا الله يطرح فيه البركه :59:

وبديت اشتغل فيه وياليتني ما بديت .. صار وجهي كذا {http://www.silver-des.com/vb/images/icons/confused.gif} كل من شافني قال وشنوحوه هالغليّم مخزن قات :37:؟ من مشكله لمشكله العن

ومن مصيبه لمصيبه انكس واردى .. بس الحمدلله ازمه وعدت وبدون ذكر تفاصيل عشان ما تكرهون سلفر وتكرون الساعه اللي فتح فيها هالموقع :ههه:

والا التفاصيل تطول والسوالف لها اول ومالها اخر والله يستر من الجاي :49:

#------------------------------#

اليوم .. و بعد شغل ومرمطه وتزليب وملعنة جدف , اخيراً فتحت المنتدى هذا وعساها فاتحة خير علي وعلى كل من قرا هالموضوع وسجل فيه يارب

المنتدى متخصص في شغل التصميم والجرافيكس والتصوير الفوتوغرافي والانيميشن والفن التشكيلي .. يعني بإذن الله راح يكون قصر ما يسكنه

الا مبدع وترا هالقصر فيه كومادينه تشق الوجه :59: .. فيه قسم اسمه [ سـوالـيـف ] اللي احاتسيكم منه هالحين ماغيره .. هذا مساحه مفتوحه مالها نهايه

اي شي يطري على اي عضو يجي يسدحه هنا , من مواضيع جاده ونقاشات , ومواضيع سعة صدر ووناسه , و مواضيع افزعوا لي وابي رايكم

او اي شي ماله دخل في شغل التصميم وخنبقة الموسوسين [ خربها الشيخ صح :60: ؟ ]

وفيه قسم مخصص لإدارة الموقع نطرح فيه اعمال الموقع المجانيه بإذن الله من ستايلات او واجهات او اي شي .. وهالقسم ما يكتب في مواضيع

الا الاداره فقط اما الاعضاء يقدرون يكتبون ردود بس [ ابوووك يا الفله حسيت بالنذاله :يدق رقبه:]

اما باقي الأقسام كلها متخصصه بالتصميم ولها تصنيفاته ما ودي اعيدهن هنا عشان ما تقولون وش هالمعزب الحمار تكرمون :ههه:

#------------------------------#

نقول بسم الله .. وهذانا فتحنا الموقع وبعده فتحنا المنتدى .. ودائماً البدايه صعبه .. ممله .. وفيها احباط

لكن التوفيق من رب العالمين ..


وفي النهايه .. فيه ناس كثير كان لهم فضل كبير في بداية موقعي الصغير ! و كلهم كان دعمهم معنوياً بحجم ما اوصفه ولولا رب العالمين ثم هم ما كان فتحت

هالموقع ولا فكرت اخذه .. وكلهم كان عندهم استعداد على الدعم المادي فوق الدعم المعنوي .. و من هالصفحه حبيت اشكرهم واقولهم هذا الموقع وفتحناه

وانتم السبب الأول والأخير جعلكم للعرس :يدق رقبه: وادعي ربي ان الشغل يجي مثل ما كانوا متصورينه , ويعجب كل من دخل هالموقع :60:

وفي النهايه .. أشكر [غصب عني !! ] على مجهوده معي في تركيب الاستايل وضبط اعدادات المنتدى :)

تحياتي و اشواقي الحاره كحرارة شمس الرياض الاصليه

{ S I L V E R }

:66:

[أبو فيصل]

:ههه:

هههههههههههههههههههههههههااي أوما ريالين

ذكرتني مره جيت احول الف وخمس ... حولت 15 ريال هههههههههههههااااي

وشكل المبلغ الي بتحوله كان ميتين < ملقوف :1:

......................................

الله يبارك لك يا أخوي ويوفقك .. وإلى الأمام دوما

وأي خدمه ولا مساعده موجود أخوك ابو فيصل < بدينا في المهايط هههههههااي

تحيتي لك

:46:

[roayatae]

بالبررررررررررركهـ يــآآربي تستـآهل والله يا سلفر كل خير ..
والامــآآآم دووم آن شــآآء الله .. :يدق رقبه:

وخويكـ لي قال لكـ طلع نفسكـ واشتغل في التصميمـ والله مـآقصر ..
آشهد آنهـ رآآعيهــآآ ... طلع لنـآ مصمـ فلتهـ .. :هع:


والامــآآآمـ آخـــوي عبدالله ... وكلنـآ يد بيد ويـآكـ للرقــي بالمنتدى :60:

[al-shra3]

هههههههههـ الله يرج ابليسك ماتجوز عن سوالفك والخنبقه :هع:

على البركه ياسلفر وتستاهل كل الخير ياغلاهم وصدق المثل يوم قال الرجل المناسب في الحفره المناسبه :34:

وانا اتوقع بأذن الله ان يصير للموقع مستقبل في العاجل البعيد :ههه:

ونحن معك قلبا وقالبا :59:

الى الاماااااااااااااااام <<< تقول مدرس يصحح لطالب الواجب :ههه:

اخـــوك : زيـــاد الــعــتــيـبـي ...:1:

[الشمري]

silver

مبروك الافتتاح الكبير

وعقال النجاح والازدهار

:34:تقبل مروري:يدق رقبه:

[S I L V E R]

ابو فيصل ..

حي الله دجه و رجه .. الله يبشرك بالخير اجل موب بس خويي اللي دبشه :p ..

الله يجزاك خير ويعافيك , وكل عام وانت بصحه وعافيه يارب .. حياك الله


رؤية الإمارات

حيا الله مراسلنا في دولة الأمارات الشقيقه :d .. الله يبارك في عمرك يارب وتستاهل الخير طال عمرك ^_^
تسلم ويسلم غاليك يابعدي , قايلك من زمان محد ٍ مكبـّر راسي الا انت :p .. حياك الله سعيد :)


الشراع

وفي رواية اخرى " زيــاد " :d ..
ياخوي وش اللي سوالف منب راعي حشيش والا كاس الله يرحم والديك :d << طراه مناحي مطلق في ام بي سي :p
الله يبارك بعمرك يابعدي .. وتستاهل الطيـّب يا كويس ^_^ .. سلمت يدياتك ..



الشمري

حيا الله ولد , ولد الخاله :d .. الله يبارك فيك ويغنيك يا كبير ..
يعطيك الف عافيه يابعدي :) ..



كان فيه مواضيع وردود ثانيه في المنتدى , وطارت بسبب نقل الموقع من سيرفر لـ سيرفر ثاني لأن الباك اب اللي كان عند
الشركه قبل هالمشاركات بأسبوع :( وطاردت عضويات وردود وشغل في خصائص المنتدى :37:
ومن هنا , أعتذر لكل من ضاع له شي خلال فترة النقل ^_^

[Queen]

ودي أنزل تصاميم ورسومات بس مستحيه نزل وشجعنا :31:

+

ع البركه خيووو

إلى قدام:مستحي:

[IBRAHEM]

الف الف الف مبروك

وان شاء الله ان هالمنتدى فاتحه خير عليك يا رب

وان شاء الله من تطور الى تطور يا رب

والله يوفقك

بس على فكرة تراني منب راعي تصاميم وخرابيطكم <<<<< خربتها


لذالك ان فقط مستمتع لما يتم طرحة .

اخوك الصغير ابراهيم

[S I L V E R]

Queen

يالله ان تحيي عضونا الجديد :60:
هههههههههههه هذي اللي ودها تستحي و ما عرفت شلون :ههه: روحي للرئيسيه وتلقين كل تصاميمي هناك شوفيها
وتشجعي على قولتك وورينا ابداعك :59: .. { اتمنى } اشوف مواضيعك في اقرب وقت ^_^


ابراهيم

يالله ان تحيي هالوجه الصبوحي :) ياخي كنت شاك فيك انك واحد ٍ في بالي بس طلعت موب هو :هع:
الله يبارك فيك ويخليك لعين ٍ ترجيك .. الله يجزاك خير يارب
معليه يابعدي , اتمنى تطلع بفايده من الموقع وما تدري بكرهـ يمكن تنافس اشهر المصممين !
لا تحرمنا من مشاركاتك وتعليقاتك :)

[T.D.D]

#------------------------------#

نقول بسم الله .. وهذانا فتحنا الموقع وبعده فتحنا المنتدى .. ودائماً البدايه صعبه .. ممله .. وفيها احباط

لكن التوفيق من رب العالمين ..


وفي النهايه .. فيه ناس كثير كان لهم فضل كبير في بداية موقعي الصغير ! و كلهم كان دعمهم معنوياً بحجم ما اوصفه ولولا رب العالمين ثم هم ما كان فتحت

هالموقع ولا فكرت اخذه .. وكلهم كان عندهم استعداد على الدعم المادي فوق الدعم المعنوي .. و من هالصفحه حبيت اشكرهم واقولهم هذا الموقع وفتحناه

وانتم السبب الأول والأخير جعلكم للعرس :يدق رقبه: وادعي ربي ان الشغل يجي مثل ما كانوا متصورينه , ويعجب كل من دخل هالموقع :60:

وفي النهايه .. أشكر [غصب عني !! ] على مجهوده معي في تركيب الاستايل وضبط اعدادات المنتدى :)

تحياتي و اشواقي الحاره كحرارة شمس الرياض الاصليه

{ S I L V E R }

:66:



..+..
وعليكم السلام ورحمه الله وبركاته
اما بعد...
..+..
هلا والله بـ الأخ .. S I L V E R
ماشاء الله تبارك الرحمن
المنتدى شكله بيكون فله << فله ولا بيت حكومه :1: << اقول طس مناك :34:
المهم ياطويل العمر ..
انا كنت متابع اعمالك و ماشاء الله عليك مبدع صراحه
وخاصه شعارك روووووعه
بـ المناسبه كم سنه وانت تصمم :33:
ياطويل العمر انا صارلي اصمم تقريبا .. 6 او 7 سنوات :يدق رقبه:
ترى مامزح .. اذا ماتصدق اسئل عني في .. منتدى المنتدى << مشهور هناك :1:
المهم حبيت ابارك لك عـ افتتاح الموقع ..
اقول دومينك رووعه تبيعه :يدق رقبه: << يمزح :يصفر:
المهم طول الله عمرك .. بالنسبه لـ ستايل منتداك ..
تراه رهيب .. لكن محتاج تعديلات بسيطه :يصفر:
المهم اتركك الحين
..+..
تحيتي لك
^.~
..+..

[SLOOM]

[SIZE="3"]اقول ما فيه متواجدووون :59:

اللهمّ مالِكَ المُلك
تؤتِي المُلكَ من تشاء
وتنزعُ المُلك مِمّن تشاء
وتُعِزّ من تشاء .. وتُذِلّ من تشاء
بيدك الخير .. إنك على كلّ شئ قدير

يا الله انك لا تسلطه علينا ولا تكبر راسه تراه كبير حلقه :69:
ويوفقه ويرزقه تراه عبدن طفران يا جعلها فاتحت خير عليه يارب ويسدد قيمه الشسمه :يصفر:.

موفق يا ايها الدب الطيف سر فنحن وراك نطفر بك :59:
كلمت راس لغصب عني
ازهل الشمسه يا الذيب لقينا ممول ^_^

[استاهلك]

وش هالحركات ذي يا سلفر و ربي انك مبدع و ذوووق في كل شئ


يوم شفت تصاميمك خقيت .. و اللي خققني اكثر مقدمك حقت الموضوع


تدري لو اجلس اعصر في راسي ثلاث سنين ما قلت نص اللي قلته انت :هع: >> ما شاء الله لا اله الا الله .. اخاف يجيك شئ ثم تقول نظلني :31: ترى عيني باردهـ :ههه:




ما اقول يا سلفر

الا عسى الله يوفقك و يكتب لك اللي فيه الخير و يعطيك ع قد نيتك


و فالك المليووون :يدق رقبه:


اخوووكـ

استـــاهـــلك :60:

[S I L V E R]

T.D.D
يا شيييين اللي يحتكون بـ KDD :d .. يا زبده انت :d ..
يا الله ان تحيي الأخ تي دي دي .. بيت حكومه والا شطر حكومه { محد امصل من احد }
الله يسلم عمرك يارب وشاكر لك مدحك واطراحك .. وانا يا طويل العمر تعلمت التصميم على ايام الفوتوشوب إصدار 4
وانت احسب السنين عاد والظاهر انه كان عام 2000 او 1999 ما تأكدت :d ..
واصدق ليه ما اصدق وانا اخوك , ما حدك الله تكذب :d .. بس عاد طالبينك تعرض لنا أعمال وشغلك الوردي يا وردي :d
والدومين انسام بـ 1000 عندك زود ؟ { مقفى شريطي نصاب } .. وسير علي في الخاص والا قسم الاداره علمني وش فيه الاستايل لا هنت
حياك الله ايها العضو الفلته ^_^ ..



S L O O M
نعنبوا هالخشه , ياخوي انت لا شفت وجهي تشوف مكتوب عليه مديون :37:؟
حسبي الله ع الظالم حسيت اني دوبر يوم قريت يالله لا تسلط علينا .. وش مسوي لك انا :37:؟
اقول اها بس اها وش اللي سدد ولا تسدد :70:ياخي وش ذنبي لا صرت وجه نحس و ما ادخل في شي الا يخرب :70:
بعدين ذليتني انت وهالمتواجدون :ههه: قسم بالله العظيم انها مفتوحه لكل الناس من عضو لإداري :ههه:
وحتى تغيير الصفه الشخصيه مفتوحه .. كلش ٍ مفتح عندنا ما فيه بيبان مصككه :ههه:



استاهلك
ياخي يوم شفت اسمك حسيت قليبي يطربق يطربق و بديت اعرق .. تهقى اني بديت احبكـ :مستحي:؟
يالله انك تسلـّمه وتخليه لأهله يالله .. مشكور يا بعدي وكلامك وسام على بطني
{ تخبر لو قلت صدري يمكن يدر والا شي ويخرب الوسام وكذا :69:}
وابد انا مصرح لك تنظل بيديك ورجليك , وموب لله بس لأنك بتتعب ما نظلت شي :ههه:
حياك الله ..

[استاهلك]

اوووووووووووما منيب ناظل شئ يا سلفر

كثرلي منهاا .. يعنبوو بليس الشيطان كل هالشغل و تقول ما سويت شئ



تدري لو انا سويت نص هاللي انت مسوي وش بسوي !!



بقطع العلاقه مع كل ربعي و بتغلى على اهلي و بصير ما ارد على جوالي :هع: >> يا شيخ لو انك مختراع الذرهـ ماسويت تسذاا




بس الصراحه يا سلفر



شغلك مرتب و ملعووووون جدف >> يرحم امك لا ترفع معنويات احد دام هذاا وصفك له :ههه:

اهنيك عليك .. و عسى الله يوفقك و صدقني انحن معك و ادعي لك و بحاول اخدمك باللي تبي .. بس المشكله ما اعرف شئ:74: تسانك تبي تكسب فيني اجر من الحين ثم اذا تعلمت منك اطور نفسي انا و اعلمك .. كذاا موااافق :ههه:



و تراني انا اللي حبيتك .. لا تخلينا نخرب صيامناا .. انت ادخل للمنتدى بعد المغرب و بعدها يصير خير

[طبعي كتومي]

بــالبــركــهـ اخــوي سلفــــر وعـساكـ ع القـوه

وننتـظر كـل مـاهـو جديد وممـيز من تصاميم واعمال الاعضاء

>> ماله خـص فـ شي

:1: اعجبنـي تصميمك الصـراآحـه روعـه فـ منتدى رؤية

واتمنى لك التـوفيق يالغالـي

[أنـ؟ـا كذا !!]

وعليكمـ السلامـ والرحمهـ :مستحي:


الاماسمعت الشاعر بعد وشـ قالـ /
[ اذا منك نويت تكتب قصيده اعرف قبل من هو الي كاتبها جعل والديك في الجنه :ههه: ]

لاعاد نجي بالجد .. صراحه اول شيـ صديققك الي اصر عليك تفتح الموقعـ هذا مايتعوض واللهيـ لانو معه حقـ [ ماشالله ] بصراحهـ ماينلامـ ..
وانا ياوحدهـ تسدحت عند الواجههـ لوهـ يصلح كانـ خليتها خلفية سطحـ المكتب بس قلت بنفسي بلاشـ حركات قراوه :ههه: .. دام عندنا مصمم نخليهـ يسويلنا لسطحـ المكتب :يصفر: يبلي عاد اختبار الالوانـ وافكر <ــ كيف بالله الوثوق :69: !!

اوماسالفه الـتحويلـ هذي عاد يبله موضوعـ بلحاله :ههه: والله تلقى صديققك متحمس ماصدق انكـ ناويـ بتفتح موقعـ :36: بس واللهـ يالعجلهـ مهب زينهـ مت منـ الضحكـ على السالفهـ انا لوماكنكـ بقول الي بدايتهـ كذا ينعاف تاليهـ لكن ماشاللهـ ياجبل مايهزكـ ريح :ههه: بس تدري بغض النظر عن ردت فعلك بسالفه التحويل انا اموت واشوف صديققك وشـ لون صار شكلهـ :هع: !!

عموما بدايهـ حلوهـ وماشاللهـ باين من البدايهـ ان المنتدى بيصير اكوس شيـ بالدونيا ان شاللهـ :مستحي:وياربـ ان المنتدى يخلينيـ اصير مصمماتيهـ [ اي هين :75: ] لان بجد نفسيـ اعرف اسويـ مثل هالاشياءات مره نفسيـ :60:




الا الاداره فقط اما الاعضاء يقدرون يكتبون ردود بس [ ابوووك يا الفله حسيت بالنذاله :يدق رقبه:]
منـ جد نذالهـ :ناقد: مع وين تبي ربي يوفققكـ وانت تفرق بينا :ههه: [ فاهمهـ غلط :74: ]


أكثر شي اعجبنيـ انكمـ تحطون الايقونات هنا ـــ>
مره سعت صدر بيني وبينكـ انا اكرهـ المشاوير .. بعد لو تحطون زر تلوين اللون كان يطلع مره احسن شي :ههه:
خلاصـ احس اني طولتها :يدق رقبه:


بالتوفيقـــ

[M Z O O 7]

سلفر

الف مبروك الموقع وكل شي ،، بصراحه كاتبن لك رد وش طوله ووش عرضه

وكاتب موضوع بقسم التصميم ،، ورآح :37: يعني متعيجز اكتب مره ثانيه :ههه:

اطالبك الحين ترجع ردي والا [ :34: ] حرام عليك والله احس ذاك الرد طالع من قلب :تهئ:

وكل هذا كوم واني اول عضو كتب موضوع ونزل تصميم بالمنتدى :37:

اكرهك يا سلفر اكرهك :37:

[S I L V E R]

استاهلك

هههههههههههههههه .. من اللخمه بغيت ادعي عليك تنشل :d لا يخوي لا تقطع العلاقه ولا اقطع العلاقه :d
الله يسلمك ويخليك هذا من ذوقك يا ملعون الجدف .. آآآآ قصدي يا بعدهم :d .. وعساها يوفقك انت بعد ويوفق من قرأ
وما نبي منك الا سلامتك ورضاك يابعدي .. وخلنا نشوفك كل ابو الأوقات لا تقطعنا :( .. و ان شاء الله تستفيد من هالموقع ^_*
وهذاني رديت عليك الساعه 11 الصبح . والحمدلله الوضع مستتب :d



طبعي كتومي

الله يبارك فيك اخوي طبعي ويقويك على طاعته :o .. وابشر ان شاء الله بالجديد والمميز بس شد حيلك معنى :o
وابشرك رؤيه سوينا له تصميم ثاني جديد :d شفه من هنا www.silver-des.com/roya (http://www.silver-des.com/roya) ..
الله يوفقنا وياك ان شاء الله ^_^



انـ ؟ ـا كذا !!

ياااااوك يا طول ردك .. اصبري اصبري بتمغط قصرت :d .. شفتي الشاعر اللي قالك هالكلام , هو قايلي قبل انك مخفه ودايم يلعب عليك :d
الله يسلمك ويخليك يارب .. وصدقتي والله ما ينتعوض :d .. الا مار ما تبين بعد اصمملكم جدران بيتكم وملابسكم وكذا :o ?
مب مشكله اسويلك سطح مكتب , وعشانك من اعضاء المنتدى , لك بـ 1200 ريال ! [ سطح مكتب مذهب ترا :o ]
اجل ودك تشوفين وجهه .. اصلاً هذاك يقهر بدال ما يستحي ويسكت والا يضحك على عمره قام يهاوش ويقول انا وش يدريني اول مره احول :(
الله يسمع منك يارب ويجي اليوم اللي ادخل فيه هالمنتدى واضيع من الزحمه :d .. وابشري بمن يخليك مصمماتي بس ادفعي [ خخخخ ابوك يا الحقاني :d ]

أكثر شي اعجبنيـ انكمـ تحطون الايقونات هنا ـــ>

هههههههههههههههههههههههههههه يا عمري يا البراءه :( .. اختنا في الله تراها تأشر على ايقونات السمايلات اللي جنب الرد السريع :d
وان شاء الله بنحط لك زر ترصينه ويكتب الرد عنك :59:



M Z O O 7

هلا والله باللي حول دومين موقعه لدومين ثاني وتوهق :d هلا باللي توهقت معه بعد انا :d .. خابر ٍ ردك و موضوعك
لا تفقع قلبي وتذكرني بدقة الريوس :( احمد ربي ان الموقع توه جديد والا كان لقيت اشكالك طوابير في قسم الاداره [ ترا مب سبه قسم بالله :d ]
شفني نزلت موضوع في قسم الاعمال تضامناً معك في مصيبتك .. رح شفه وتشجع ونزل موضوعك مره ثانيه ما يخالف :d
وابد يكفي شفت اسمك مع اللي ردوا على الموضوع .. ان بغيت يطلع الرد من خشمك موب من قلبك ما يخالف :d
بعدين لا تقول اكرهك ياخي حرام عليك صح اني انا اكرهك بعد بس لا تقول اكرهك



احس فيه شي غلط في شكل المواضيع والردود بس ما ادري وشو :33:

[M Z O O 7]

8
8
8
انت كلك جاي غلط × غلط :d

[Queen]

8
8
أح :ضض:

[1 من الناس]

ياعساه يتبارك ياولد هههههه فلانه لي رجعه ان شاء الله

توني داري عن ها الزين

[S I L V E R]

[ مزوح ]

جعله يجيك البعبع في الليل يخوفك يا قليل الأدب .. يا صعلوك :60:

[ كوين ]

جعلك للسعلو اللي يتوزى في لحافك بعد انتي :60:


[ 1 من البقر :يدق رقبه: ]

يا هلااااا والله ويا غلااااا ببووو سليماااااان { وجه لابس ثوب الشقاوي } :ههه:
ما شاء الله تبارك الله حلال خصصصصم الخصم وانت معروف ٍ بالزين لا اله الله ..
الا مار يابو سليمان يحصل تعرّف عليها وتورينا ابوها :59:؟
[ الرد اعلاه عشان تتأقلم مع الوضع بين هنا و سوريات وما تختبص بعينك الدنيا :ههه:]
والله مالك حق قايلك قبل يا ثور :34:.. الزبده .. احتري رجعتك , وخل عنك كثرة البيره في رمضان يبو كلوه :34:

[Nice Dream]

:مستحي: اهنين وسهنين للكل :46:

سلفرااتو كنوع من التعبير عن فرحتي لك بإفتتاح موضوعك طرت انزل موضوع في قسم الصور قبل لا اجي هنا :مستحي:
ماشاء الله والله معد نعرف وش نقول عنك وابداعك من قبل الموقع وانت مصمماتي معروف والشي الحلو الي سويته هو انك فتحت موقع بااسمك الي يرمز لابداع لحاله وصار الحين اتنين في واحد :ههه: يعني اسم ع مسمسى مملكتك الحين منبع للابداع الله يوفقك والف مبروك :) :46:

وبعد احب ابارك كثيرااات لخليفتك :ههه: غصب عني :59: << مدري لوهله حسيت اني داقه ع مايطلبه المستمعون :ههه:

قوووود لك لكم وان مره مبسوطه اني انضميت معكم :)

SLAMOoOoOoOo

[E R R O R]

يالله يالله ،، سمعتوني ،، يآلله يآلله :يهوش:

سيلفر سيلفر ،، شخبـّــآرك {:59:} !!

مآشآء الله مآشآء الله ،، موقع يستآهل العآلم تتسآبق عليه وتسجل فيه ،،

والله لو اقول من آلحين لبكرهـ ان تصميم موقعك خقق {قلب} مآإوفـّــي ،،:1:

وعقبآل انشآء الله نشوفه ينآفس الموآقع الكبيرهـ ،، وموب غريب والله !!

سيلفر أبدآع طيآرهـ تميز 20 يوم آخضر غصب عنهم :ههه: <- يآزين دعآيآت الآم بي سي ،، وموبآيلي و {حلآ} :36:!!

مآ اقول الآ الله يوفقك دنيآ وآخرهـ يآرب :ممتاز: <- يدعي ترآهـ !!

إخوٍك : FaHaD //

[الذيب]

معقوله انا ماباركت لك

لا مستحيل دور غيرها وين ردي يا الاعصل

[strang]

مبروووك لك اخوي افتتاح المنتدى وعسى الله يوفقكم للخير

أنا متفاءلة بهالمكان
والمنتدى ككل
وانشالله توصلوون إلى مرادكم :qwe:

[مزعلة النسا]

الله يوفقك اخوووي ..

انا معك قلبا وقالبا >>> اقلبي وجهك ..

ودي اعبر اكثر ..بس المزاج معككككر عالآخر ..

لك ودي

[ليدي لين]

S I L V E R باشاا :yessir:

ألف مبرووك الافتتااح يا أخووي ..

وجعلهاا فاتحة خير عليك يارب ..

وجعل كل ما يكتب ويطرح في هالصرح ..

يكوون حجه لنا لا علينا يوم نلاقي وجهه الكريم ..

مووفق S I L V E R بااشااا ..

تحيتي لك ..

[other world]

السلام عليكم ورحمة اللة ....
أخباركم ؟

أولاً : ألف مبروووووك :35: على إفتتاح الموقع والمنتدى ، واهنيك على شغلك وخفة دمك .

ثانياً : أتمنى إني أكون عضو خفيف ، وتقبلوني .

الصراحة الموقع رائع .


وبس .................................
خالد الحسيني
other world

[Emerald]

ربي يوفقك ان شاء الله

[ƒ ả п ť ả ş ψ彡]

عـ البركهـ والله تستاهل كل شي يادبـــ << بينطرد من المنتدى
ياحبيـــ لكـ والله وش هالزينـ وش هالزين
واللهي حركآإأتــ المنتدى..وجايز لي مررره:tooth:
(( ترا مازينـ المنتدى إلا انا )) << يقلع ابو الثقه
وهـ بس
يا حوـوـوبيــ لك والله << ذآإأبــ الميانه من اولهاا
الله يعافيــ اللي مخليك تفتحــ المنتدى بســـ !!
و بســــ....