تمارين سويدة للقريحة الشعرية

[بدر الحربي]

السلام عليكم

أعتذر عن انقطاعي عن المنتدى لانشغالي , فمن باب القافة فتحت الموضوع وأنا مدري وش ابي أكتب :35: , وما جاء إلا هالكيبوردية أرجو أن تنال على اعجابكم .

الشوف ما من شوف .. ياعين كفّي
والحب! ما من حب .. ياقلب خيّر

عن الهوى والطيش .. يانفس عفّي
كلّش تغيّر يوم حالي تغيّر

ياشفّ جمع الناس .. ياوووين شفّي؟!
كنّي عن أصوات الخلايق مذيّر

لا شفتني مقبل .. تراني مقفّي
وش حاجتي .. في كل أبوها معيَّر

والله لو تدري وش اللي مخفّي
بين الحنايا العوج .. لمت المعيِّر

ياناقل ٍ ..!, والهرج مبطي مكفّي
عقلي رجح شيبان .. وأنا صغيّر

أشوف بعيون العمى .. ما يخفّي

وأوديه .. منه النّاس مثل المطيّر

ويابنت .. ياللي مثل شقرا ترفّي
كني بها .. من ماوصلها تجيّر

يابنت مدري .. لو عدوي بصفّي
واصير بين الذود .. وإم الحويّر

أنتي عن هبوب الهبايب تدفّي
وأنا ترى .. للي قصدته مخيّر

ذي قصّتي .. قبل العشيقه تهفّي
بين النشايب .. شوف عيني تسَيَّر

والحين .. يانفس الشقاوي توفّي
وإلّا عن اللي هفّ .. ياقلب خيّر

ذي حالتي ياصاح .. مالضحك شفّي
ولا يغرك فيّ .. ضحك الغريّر

لا شفتني أضحك .. تراني مغفّي
وإني على اللي في ضميرك مسيِّر

[قهوه سآده]

الله الله .. صح لسآنك يا بدر :s17:



ياشفّ جمع الناس .. ياوووين شفّي؟!/
كنّي عن أصوات الخلايق مذيّر


إيش تعني هالكلمه؟ :2:

و حيآك :))

[S I L V E R]

بما اني انسان من جنبها في الشعر و الكلام الكشخه :35: بقولك صح لسانك ولا هنت ..

ولعد تطول الغيبه , ترا طلاتك توسع الصدر

[г๏๏7เ t7๒คк]

:36::36::36:

يالدعله:ip: الله واكبر عليك امس انا معك تقول ان ما عندك جديد
هذي من وين جايبها .:s8:


صح السانك ..
شي مو جديد .. دائم ماتبهرنا بطلتك
مردوده يابدير .. اجل مابه جديد ..ها انجين :15:

7
7
7


لاتقول جلستنا امس وجو القصايد بينا حمسك ..
دور غيرها ..:*

ترا نويتك بقصيدة :1:

[بدر الحربي]

الله الله .. صح لسآنك يا بدر :s17:








إيش تعني هالكلمه؟ :2:


و حيآك :))



هلا وغلا أوووما لونش مهيّله :35: <<< أقووول أششش :اوص: تراك دابلن تسبدي من البارح < شطحة :35:

صح بدنك , وبالنسبة للمذيّر : التذيير يقال غالبا للصيد , إذا هرب من بعد , بسبب صوت الإنسان وهو ناتج من الخوف من هذا الكائن الغريب :35:

أتمنا وصلت الفكرة وعلى العموم لا تدققين :35:

وحياش ربي على الرحب والسعة :s20: .ِ

[بدر الحربي]

بما اني انسان من جنبها في الشعر و الكلام الكشخه :35: بقولك صح لسانك ولا هنت ..

ولعد تطول الغيبه , ترا طلاتك توسع الصدر

هلا وغلا بسلفر شاكرلك على المرور :sm5: لك رد خاص في موضوع جديد أتمنى تمر عليه:35:

[بدر الحربي]

:36::36::36:

يالدعله:ip: الله واكبر عليك امس انا معك تقول ان ما عندك جديد
هذي من وين جايبها .:s8:


صح السانك ..
شي مو جديد .. دائم ماتبهرنا بطلتك
مردوده يابدير .. اجل مابه جديد ..ها انجين :15:

7
7
7


لاتقول جلستنا امس وجو القصايد بينا حمسك ..
دور غيرها ..:*

ترا نويتك بقصيدة :1:




هههههههه يالبا قلبك أنت بش :35: فوفو شوف الشطحة اللي كتبتها بسلفر
شطحاتنا شطحات وهبوبنا هبب :35: